Полиса за приватност. Опсег. Видови податоци и методи на собирање податоци

Transcription

1 Полиса за приватност Во оваа Полиса за приватност ( Полиса ), ние, Qualcomm Incorporated и нашите подружници (колективно ние, нас или наше ) обезбедуваме информации во врска со тоа како собираме, употребуваме, обработуваме и пренесуваме лични податоци. Qualcomm Incorporated и нашите подружници се глобална организација којашто ги споделува податоците кои ги обработува со фирми (правни лица), бизнис процедури и информатички системи во целиот свет. Токму затоа, за оваа Полиса, го користиме терминот лични податоци со цел да се опфатат многуте закони за заштита на приватност и податоци; лични податоци подразбира информации поврзани со идентификувано физичко лице или, пак, информации кои може да се употребат (самите по себе или во комбинација со други податоци) за да се идентификува физичко лице. Опсег Полисата важи за нашите интернет портали, производи, софтвери или апликации каде што објавуваме директна врска до нашата полиса или, пак, се однесуваат на полисата (со заедничко име Услуги ). Оваа полиса ги опфаќа само податоците кои се собрани преку Услугите, а не опфаќа собирање или обработка на кои било податоци што вклучуваат, но не се ограничени на, други методи на собирање информации од други услуги кои имаат посебни полиси за заштита на податоци. Понекогаш, оваа полиса се спомнува во однос на анкети и други интернет портали со посебна намена, како на пример нашите интернет портали означени со Кариера; во таков случај, оваа полиса се применува како модифицирана во однос на специфичното известување или барање за дозвола (на пример во однос на видот на собрани податоци или целта на тоа собирање). Видови податоци и методи на собирање податоци Ние собираме многу видови лични податоци со методи кои се опишани подолу во текстот. Вие може да изберете кои податоци ќе ги собираме. Во случај да побараме Ваши податоци, Вие може да нè одбиете. Но, доколку одбиете да ги споделите Вашите податоци тогаш употребата на купениот производ или услуга може да биде намалена или пак ограничена. Податоци коишто ги обезбедувате. Ние ги собираме Вашето име, електронска(и) пошта(и), поштенска(и) адреса(и), телефонски број(еви) и податоци поврзани со фирмата којашто ја претставувате кога барате информации од нас, кога се регистрирате, нарачувате производ или услуга или во случај кога ги испраќате тие податоци со друга намера. Во однос на услугите коишто се наплаќаат, исто така, собираме податоци за наплата (број на кредитна картичка и други релевантни податоци), телефонски број и адреса за наплата и достава.

2 Податоци коишто автоматски ги собираме од нашите интернет портали. Кога првпат посетувате некој од нашите интернет портали, ние собираме општи податоци од Вашиот личен компјутер или мобилен уред како на пример кој интернет прелистувач го користите, кој е Вашиот оперативен систем, IP-адреса и името на интернет доменот преку кој пристапивте до интернет порталот, како и тоа дали користите мобилен уред и, доколку користите, кој е типот на мобилниот уред. Дополнително, собираме податоци поврзани со тоа како го користите нашиот интернет портал, на пример датумот и точниот час кога го користите нашиот интернет портал, кои делови или страници ги посетувате, колку време се задржувате на порталот, колку пати го посетувате и други податоци поврзани со бројот на кликања. Колачиња. Употребуваме колачиња, пикселни маркери или слични технологии за собирање податоци во однос на тоа како го употребувате нашиот интернет портал или апликации. Колаче е всушност мала текстуална датотека којашто е складирана на тврдиот диск во Вашиот компјутер или уред во моментот кога го посетувате нашиот интернет портал. Колачињата ги употребуваме за функционирање на нашите интернет портали и услуги, вклучително: (1) за помнење на Вашите податоци за да не морате да ги внесувате истите податоци секојпат кога го посетувате нашиот интернет портал, (2) за обезбедување посебна содржина или понуди на интернет порталот; (3) за развивање колективна статистика со цел надзор на тоа како функционира порталот, истражување, подобрување на нашата содржина и услуги, (4) за заштита на безбедноста на нашите интернет портали и услуги. Исто така, им овозможуваме на други компании кои се занимаваат со мрежни анализи, агенции за маркетинг или маркетиншки мрежи кои ги поставуваат или пристапуваат до нивните колачиња или пикселни маркери (кои, исто така, се нарекуваат 1х1 pixel gifs или action tags) на интернет порталот. На пример, употребуваме маркетиншки агенции кои се надворешни соработници кои на нашиот интернет портал пласираат реклами во наше име или во име на други компании. Овие агенции користат колачиња и пикселни маркери за мерење и подобрување на ефикасноста на рекламите на нивните клиенти, вклучувајќи нè и нас. За таа цел, овие агенции користат податоци поврзани со Вашите посети на нашиот интернет портал и други интернет портали. Овие податоци опфаќаат: датум/време кога е прикажана рекламата, уникатен код за идентификација содржан во колачето, како и IPадресата на Вашиот уред. Овие податоци може да се употребат за персонализирање на рекламите со цел да Ви бидат прикажани реклами за производи или услуги кои се од Ваш интерес. Доколку сакате повеќе информации поврзани со оваа практика и кои се Вашите избори за персонализирано рекламирање, посетете го овој напис за отповикување. Слободно може да ги одбиете колачињата, но на тој начин може да Ви биде ограничена употребата на некои функции на овој интернет портал или, пак, нема да имате целосна употреба на сите наши понуди. За да дознаете како да ги промените Вашите поставки за употреба на колачињата, проверете го менито Help од Вашиот интернет прелистувач. За понатамошни информации, разгледајте ја нашата Полиса за колачиња.

3 Софтвер и апликации: Подружниците на Qualcomm Incorporated создаваат мноштво софтверски решенија и апликации за Вашите мобилни уреди кои можат да ја подобрат работата на Вашиот уред, да ја сочуваат употребата на батеријата, да ја подобрат безбедноста на уредот или, пак, да понудат други придобивки. Со помош на овие софтверски апликации, може да собираме податоци поврзани со Вашата локација, уникатни идентификатори (на пример сериски број на чипсетови или идентификација на меѓународни претплатници), податоци за апликации кои се инсталирани и/или активни на уредот, конфигурациски податоци како на пример марката, моделот и мобилниот оператор, оперативниот систем и неговата тековна верзија, податоци од софтверското програмирање и перформансите на уредот, како на пример перформансите на чипсетот, батеријата и термални податоци. Дознајте повеќе Независни извори: Можно е да употребиме лични податоци од независни извори како на пример информациски посредници, социјални мрежи, други партнери или јавни извори. Цел на собирањето податоци и нивната употреба Вашите лични податоци ги собираме и обработуваме со Ваша дозвола и/или во зависност од ситуацијата со цел да ги обезбедиме производите што ги користите, како и функционирање на нашиот бизнис, почитување на законските и правните обврски, заштита на безбедноста на нашите и системите на нашите клиенти или, пак, исполнување на други легитимни интереси. Податоците кои ги собираме и употребуваме може да бидат употребени за следните цели: Како одговор на Вашето барање за информации или барање за одредена услуга или производ. За давање, управување, одржување и обезбедување на бараните услуги. За функционирање и подобрување на нашиот бизнис, вклучително и водење, заштита и подобрување на нашите услуги и системи, за развивање нови производи и услуги, како и други интерни бизнис цели. За подобро разбирање на параметрите на нашите клиенти во однос на нашите услуги, создаваме колективна статистика поврзана со употребата на нашите услуги и на тој начин ја персонализираме Вашата употреба на нашиот интернет портал и услуги. За да Ви обезбедиме информации поврзани со нашите технологии, нови производи и услуги, вести и други новости; и Други начини на употреба на податоци опишани во оваа Полиса или, пак, во моментот кога ги собираме податоците. За да се постигнат тие цели во согласност со законите, можно е комбинирање на различните типови податоци кои ги собираме од различни извори. Каде ги складираме и обработуваме податоците

4 Податоците ги складираме и обработуваме во САД и на сервери кои се распоредени низ целиот свет, вклучувајќи, но не и ограничувајќи се на Азија и Европскиот економски простор. Каде и да ги складираме и обработуваме личните податоци во согласност со Полисата, преземаме мерки кои гарантираат обработка на податоците во согласност со оваа Полиса и правните прописи и закони. Со употребата на нашите услуги, давате согласност Вашите лични податоци да бидат префрлени од Вашата земја во САД или други земји кои можеби немаат исто ниво на заштита на личните податоци како тоа во Вашата земја. Кога префрлуваме лични податоци од Европскиот економски простор, користиме мноштво правни механизми за изведување на преносот (на пример Ваша согласност или правни договори). Откривање лични податоци До Вашите податоци се пристапува во Qualcomm (вклучително и подружниците) и се споделуваат со трговци од трети страни или обезбедувачи на услуги кои ги обработуваат податоците во наше име и тоа за целите наведени во оваа Полиса. Можно е да нудиме и обуки или други услуги за вработените и работниците на нашите бизнис клиенти. Во такви случаи, можно е да споделиме податоци кои се поврзани со нашите обуки и други услуги за потребите на нашите бизнис клиенти. Исто така, може да ги споделиме Вашите податоци во согласност со законите или во интерес на заштита или искористување на нашите или други права, односно без ограничување во однос на барања упатени од страна на претставници на законот, поврзани со судски постапки. Можно е да споделиме или префрлиме Ваши податоци поврзани со можна или вистинска продажба, спојување, пренос или друга реорганизација на целиот или делови од нашиот бизнис. На крајот, можно е да ги споделиме Вашите лични податоци во ситуации кога Вие давате дозвола за тоа. Вашите опции Прифаќање/одбивање. Во одредени случаи, како на пример маркетинг по електронска пошта, нудиме можност за прифаќање или одбивање на одредено собирање, употреба или споделување на податоци. Во таков случај го почитуваме Вашиот избор. Пристап. Доколку сакате да пристапите до Вашите лични податоци кои ние ги одржуваме или личните податоци кои сте ги обезбедиле повеќе не се точни, тековни или комплетни а сакате да ги ажурирате, Ве молиме поднесете го Вашето барање или промени преку еден од долунаведените методи. По примањето на соодветното барање ќе ги ажурираме или промениме Вашите лични податоци, но го задржуваме правото на употреба на претходно стекнатите податоци за да го потврдиме Вашиот идентитет. Do Not Track - Да не се следи. Во моментов не одговараме на сигналите Do Not Track (DNT) кои ги праќаат интернет прелистувачите. Сè уште нема универзален стандард за тоа како треба да се толкуваат DNT сигналите и кои дејства треба да ги преземат интернет порталите и независните соработници доколку ги примат тие сигнали. Но, можат да се употребат

5 мноштво други начини за контрола на собирањето и употребата на податоците, вклучувајќи и опции за контрола на колачињата во Вашиот интернет прелистувач и контролите за персонализирано рекламирање опишани во горенаведениот дел за Колачиња. Задржување Ги задржуваме личните податоци сè додека Вашата сметка е активна или, пак, додека е потребно за да Ви ги обезбедиме потребните услуги. Доколку Вашите лични податоци се непотребни, тие ќе бидат избришани во разумен временски период. Но, ќе ги задржиме и употребиме личните податоци во согласност со нашите правни обврски, за разрешување спорови, како и спроведување на нашите договори. Безбедност Преносот на информации преку интернет никогаш не е целосно безбеден или безгрешен. Но, преземаме разумни чекори кои ги заштитуваат Вашите податоци од губење, злоупотреба и недозволен пристап, откривање, промена и уништување. Вашите лозинки и кориснички имиња се Ваша одговорност како и тоа да нè известите преку еден од долунаведените методи доколку се сомневате дека Вашата лозинка или корисничко име поврзано со некоја наша услуга е компромитирано. Само Вие сте одговорни за каква било недозволена употреба на услугите, спроведена преку употребата на Вашата лозинка и корисничко име. Заштита на лични податоци на деца Нашите услуги се наменети само за возрасни лица. Не собираме лични информации од деца, намерно или ненамерно, како што наложуваат релевантните закони и бараме децата да не приложуваат какви било лични информации. Дополнувања Го задржуваме правото да промениме, дополниме и/или отстраниме делови од оваа Полиса во кое било време, но за тоа ќе бидете известени преку означување на датумот на последното ажурирање на Полисата. Доколку Полисата ја смениме на материјален начин, ќе обезбедиме соодветно известување преку интернет најмалку триесет дена однапред и/или ќе побараме Ваша дозвола како што се бара со закон. При посета на нашите интернет портали или употреба на нашите услуги, ја прифаќате тековната верзија на оваа Полиса. На нашите корисници им препорачуваме понекогаш повторно да ја прочитаат Полисата, со цел да дознаат дали има какви било промени. Контакт За да нè контактирате, испратете електронска пошта на privacy[at]qualcomm[dot]com, или пишете ни на Qualcomm Incorporated, Attn. Privacy Counsel, 5775 Morehouse Drive, San Diego, CA

6 Стапување на сила: 14 април, 2017 г Qualcomm Technologies, Inc. и/или нејзините придружни компании.